နှလုံးသားအမိန့်လွှာ
နှလုံးသားရဲ့တံခါးမှူး
မာယာတွေယစ်မှုးလို့
အိပ်ငိုက်ခါလှဲလှောင်း
ငါ့ရင်ထဲမင်းအကြောင်း
ဘယ်အချိန်က
စတယ်မသိ
ထိမိစွာညှိတွယ် ခဲ့ရပြီ …။
နှလုံးသားရဲ့တံခါးပေါက်
ငါမသိအောင်ဝင်ရောက်
အရှိန်ကြီးကြီးနဲ့ထိုးဖောက်တော့
အနက်ရှိုင်းဆုံးနေရာ
မင်းအတွက်သာ ဖြစ်ခဲ့တာပေါ့ …။
အိပ်ငိုက်တာ လန့်နိုး
သူခိုး …သူခိုးလို့
ထအော်တော့မှ
အချစ်တံခါးကိုအမြန်ပိတ်
တဒိတ်ဒိတ်နဲ့မြည်နေခဲ့ပြီလေ ..။
နှလုံးသားကပုံရိပ်ဖမ်း
ဖမ်းဝရန်းထုတ်ခဲ့တာလည်း
မင်းတစ်လျှောက်ထဲတဲ့
နှလုံးသားဆိုတဲ့ အရှင်
အရှင်သာမရှိခဲ့ရင်
အသက်ရှုရပ်
ငါ့အသက်ထွက်တော့မှာမို့
အရှင်အမိန့်ကိုနာခံ
ဖမ်းဝရန်းကိုပြ
မင်းအချစ်ကို ရပါရစေတော့ကွာ …။
0 ယောက်ကဒီလိုပြောတယ်။:
Post a Comment